Call for participation/Appeal letter/mt

In other languages: Alemannisch (als) العربية (ar) беларуская (тарашкевіца) (be-tarask) български (bg) বাংলা (bn) català (ca) čeština (cs) Cymraeg (cy) dansk (da) Deutsch (de) Ελληνικά (el) English (en) Esperanto (eo) español (es) eesti (et) euskara (eu) فارسی (fa) suomi (fi) français (fr) 贛語 (gan) galego (gl) עברית (he) हिन्दी (hi) hrvatski (hr) magyar (hu) interlingua (ia) Bahasa Indonesia (id) íslenska (is) italiano (it) 日本語 (ja) Jawa (jv) ქართული (ka) 한국어 (ko) Lëtzebuergesch (lb) lietuvių (lt) Malagasy (mg) македонски (mk) മലയാളം (ml) मराठी (mr) Bahasa Melayu (ms) Malti (mt) norsk bokmål (nb) Nederlands (nl) Diné bizaad (nv) occitan (oc) Kapampangan (pam) polski (pl) Piemontèis (pms) português (pt) română (ro) русский (ru) srpskohrvatski / српскохрватски (sh) සිංහල (si) slovenčina (sk) slovenščina (sl) svenska (sv) தமிழ் (ta) తెలుగు (te) тоҷикӣ (tg) ไทย (th) Türkçe (tr) татарча / tatarça (tt) українська (uk) vèneto (vec) Tiếng Việt (vi) Volapük (vo) ייִדיש (yi) 粵語 (yue) 中文（繁體） (zh-hant) 中文（简体） (zh-hans) | Add translation [edit]

Please note: this text is ready for translation, but please do not distribute it yet.

Huwa diffiċli biex temmen kif inqas minn għaxar snin ilu l-Wikipedija kienet għadha ma teżistix. Illum il-ġurnata, 330 miljun persuna kull xahar jużaw il-Wikipedija, biex b'hekk saret l-aktar fonti ta' konoxxenza wżata fuq l-internet. Mijiet ta' eluf ta' voluntiera bnew u ġabu 'l quddiem diversi proġetti Wikimedia f'dawn l-aħħar tmien snin.

Anke jekk s'issa irnexxielna nwettqu ħafna, għad baqalna xorta waħda triq twila biex nilħqu l-objettiv tagħna—il-viżjoni ta' dinja fejn kull persuna tista' tipparteċipa liberament fil-qsim tal-għarfien uman kollu. Kif nistgħu nibnu dan is-suċċess biex nirbħu l-isfidi li qegħdin naffrontaw? Inqas minn kwint tal-popolazzjoni dinjija għandha aċċess għall-internet. Anke jekk s'issa kienu mijiet ta' eluf ta' voluntiera li taw daqqa t'id lill-proġetti Wikimedia, dawn ma jirrapreżentawx bi sħiħ id-diversità tad-dinja. Il-ħidma tagħna biex nibnu moviment dinji biex joħloq u jaqsam għarfien ħieles qed iġib quddiemna diversi għażliet.

Qegħdin nagħtu l-ħajja 'l proċess fuq bażi ta' sena biex jiżviluppa pjan strateġiku għall-moviment Wikimedia. Speċifikament, qegħdin nippruvaw nifhmu:

• Fejn ninsabu issa?
• Fejn irridu nkunu f'temp ta' ħames snin?
• Liema triq irridu nieħdu biex naslu?

Għinna biex insibu r-risposti għal dawn id-domandi. Analizzhom, aqsamhom, irrifletti fuq xi jfissru għall-viżjoni u l-valuri tagħna. Hawnhekk hawn ħames modi fejn tista' tgħin:

• Idħol għamel parti fi grupp ta' ħidma. Qegħdin norganizzaw gruppi ta' ħidma li janalizzaw id-diversi argumenti u jipproduċu serje ta' rakkomandazzjonijiet relatati magħhom. Ipproponi lilek innifsek jew oħloq il-grupp tiegħek.
• Agħrrafna fuq kif tista' tgħin. Jekk int espert f'waħda mid-dixxiplini li huma involuti f'dan il-proġett, ingħaqad mal-lista tal-esperti. Dan jippermetti lil gruppi ta' ħidma u lil voluntieri oħra biex jikkuntatjawk għal xi mistoqsijiet, liema mistoqsijiet tkun tista' twieġeb għalihom meta ssib il-ħin.
• Ippubblika l-ideat tiegħek. Ikteb proposta fuq Strategy wiki, għinna biex norganizzaw u ntejjbu l-proposti eżistenti. Esprimi l-ideat tiegħek fuq il-blogg tiegħek, fuq il-lista tal-posta, fuq xi network soċjali bħal Identi.ca, Twitter u Facebook. Għal dawn il-messaġġi uża #wikimedia jew daħħal ħolqa fuq il-wiki tali mod li l-oħrajn jistgħu jaqrawha.
• Ospita konverżazzjonijiet fuq l-istrateġija. Sabiex jiġi żviluppati pjanijiet tajba, hemm bżonn li tikber aktar il-parteċipazzjoni. M'hemm ebda mod kif il-gruppi ta' ħidma jistgħu jitkellmu ma' kull min għandu ideat fuq il-futur tal-Wikimedia. Hawnhekk fejn inti tista' tagħti daqqa t'id: żomm il-konverżazzjonijiet tiegħek fuq l-istrateġija, personalment jew fuq l-internet, u ppubblika r-riżultati fuq il-wiki relattiva.
• Kellimna. Agħti r-rispons tiegħek lit-tim tal-istrateġija. Agħtina l-ideat tiegħek, l-aspirazzjonijiet tiegħek, il-biżgħat tiegħek, l-għanijiet tiegħek għal dan il-proġett. Ikteb kummenti u reazzjonijiet fuq Strategy wiki, jew ibgħat ittra elettronika fuq strategywikimedia.org.

Jekk ma tistax tipparteċipa f'dan il-proġett, tista' dejjem tħalli donazzjoni biex issostni l-proġetti ta' għarfien ħielsa universali. Għandna bżonn ukoll ta' voluntiera li jikkontribwixxu għall-proġetti, jiżviluppaw it-teknoloġija tagħna u jsostnu xogħolna b'modi oħra.

Dan is-seklu ppreżentalna opportunità sabiħa li nittrasformaw iċ-ċiviltà tagħna u noħolqu opportunitajiet indaqs għal kull bniedem. Nisperaw li inti tingħaqad magħna fil-ħidma għall-firxa tal-għarfien ma' kull persuna tal-pjaneta.

Dejjem tiegħek,
Michael Snow
President tal-Fondazzjoni Wikimedia,
Jimmy Wales
Fundatur tal-Wikipedija u l-Fondazzjoni Wikimedia

Email responder

Grazzi talli bagħttu posta elettronika għat-tim ta' żvilupp tal-istrateġiji tal-Fondazzjoni Wikimedia. L-ittra-e tiegħek waslet u inqrat mill-aktar fis possibbli. Minn hawn u ftit ieħor nikkuntatjaw il-persuni magħżula biex jipparteċipaw fil-gruppi ta' ħidma. Inti liberu li toħloq il-grupp tiegħek, tuża' l-materjal fuq il-wiki dedikata għall-proġett ta' pjanifikazzjoni strateġika (http://strategy.wikimedia.org) u tirrapporta lura l-impressjonijiet u l-pariri tiegħek.

Nagħtuk l-aqwa xewqat, u nirringrazzjawk għall-parteċipazzjoni tiegħek.

Dejjem tiegħek,

Sitenotice

• mt/Malti (published)

• Għinna biex nibnu l-futur tal-{{SITENAME}} u l-proġetti sieħba tiegħu!! <a href="http://URL">Aqra l-ittra</a> ta' Michael Snow u Jimmy Wales.

Title

Ittra ta' Michael Snow u Jimmy Wales.

Button

Inkiteb issa!