Call for participation/Appeal letter/gl

Please note: this text is ready for translation, but please do not distribute it yet.


É difícil crer que menos de hai unha década a Wikipedia non existía. Arestora, 330 millóns de persoas usan a Wikipedia cada mes, converténdoa no recurso de coñecemento máis a miúdo usado na rede en todo o mundo. Centos de miles de voluntarios construíron e manteron os diferentes proxectos da Wikimedia durante os últimos oito anos.

Malia que xa logramos abondo, aínda nos queda moito camiño por percorrer para lograr a nosa visión dun mundo no que cada persoa poida compartir de xeito gratuíto a suma de todo o coñecemento humano. Como podemos aproveitar o noso éxito para superar os desafíos que temos por diante? Menos da quinta parte da poboación do mundo ten acceso á internet. Mentres que centos de miles de voluntarios contribuíron ata hoxe nos proxectos da Wikimedia, non son unha parte representativa da diversidade do mundo. Existen moitas escollas no camiño da construción dun movemento mundial dedicado a crear e compartir o coñecemento gratuíto.

Estamos a comezar un proceso dun ano de duración para desenvolver un plan estratéxico para o movemento Wikimedia. Especificamente, estamos a intentar comprender:

  • Onde estamos agora?
  • Onde queremos estar dentro de cinco anos?
  • Como chegamos desde onde estamos ata onde queremos estar?

Axúdanos a atopar as respostas a estas preguntas. Explóraas, analízaas e reflicte o que significan para a nosa visión e os nosos valores. Aquí hai cinco xeitos de axuda:

  • Únete a un grupo de traballo. Estamos organizando grupos de traballo que explorarán os diferentes temas e producirán un conxunto de recomendacións relacionadas con eles. Inscríbete para participar ou forma os teus propios grupos.
  • Fainos saber como podes axudar. Se es experto nun dos temas que estamos a debater, engádete á nosa base de datos de expertos. Isto permitirá que os grupos de traballo e os outros voluntarios contacten contigo para te formularen preguntas que ti podes responder cando teñas tempo.
  • Publica as túas ideas. Escribe unha proposta no wiki de estratexias e axuda a organizar e mellorar as propostas que xa están alí. Publica ideas no teu blogue, en listas de correo e en redes sociais como Identi.ca, Twitter e Facebook. Etiqueta esas mensaxes con #wikimedia ou lígaas desde o wiki de estratexias, de xeito que os demais as poidan ver.
  • Mantén conversas sobre a estratexia. Para desenvolvermos bos plans necesitamos unha ampla participación. Non hai xeito de que os grupos de traballo falen con todos os que teñen ideas sobre o futuro da Wikimedia. Aquí é onde podes axudar: mantén as túas propias conversas sobre a estratexia, en persoa ou en liña, e publica os resultados no wiki de estratexias. Existen modelos e ferramentas para manter sesións estratéxicas no wiki de estratexias.
  • Conversa connosco. Achéganos as túas reaccións e valoracións sobre o equipo estratéxico. Cóntanos as túas ideas, ilusións, medos e obxectivos con respecto aos proxectos. Engade comentarios no wiki de estratexias ou envíanos un correo electrónico ao enderezo strategywikimedia.org.

Se non participas, considera realizar unha doazón para axudares a manter este proxecto. Unha doazón apoiará directamente os nosos programas de coñecemento gratuíto global. Tamén necesitamos voluntarios que contribúan nos nosos proxectos, melloren a nosa tecnoloxía e manteñan o noso traballo de diversas maneiras.

Este século presentóusenos cunha oportunidade formidable de transformar a nosa civilización e crear oportunidades iguais para todos os seres humanos. Agardamos que te poidas unir ao noso traballo de compartir o coñecemento con todas as persoas do planeta.

Sinceramente,
Michael Snow
Presidente da Fundación Wikimedia
Jimmy Wales
Fundador da Wikipedia e da Fundación Wikimedia


Email responder

Grazas por enviares un correo ao equipo de desenvolvemento de estratexias da Fundación Wikimedia. O teu correo electrónico recibiuse correctamente e será lido en canto sexa posible. Axiña nos poremos en contacto con individuos seleccionados para un grupo de traballo. Tamén es libre de creares un grupo de traballo propio usando os materiais do wiki de estratexias (http://strategy.wikimedia.org) para deixar as túas conclusións e recomendacións.

Os nosos mellores desexos, e grazas de novo pola túa boa disposición a axudar.

Sinceramente,

Sitenotice

  • Axúdanos a construír o futuro de Strategic Planning e mais dos seus proxectos irmáns!
    <a href="http://volunteer.wikimedia.org">Le unha carta</a> de Jimmy Wales e Michael Snow.

Title

Le unha carta de Michael Snow e Jimmy Wales.

Button

Ofrécete voluntario